| Description (Repository) |
/1574
grant of a 20s quit rent from land in st nicholas cole abbey parish oppostie the front of st mary magdalen [old fish street] church and a shop in the same parish by roger son of william son of isabel to peter blund, jew
1202x3; william camerarius as sheriffs
seal
[[[[[ECSP
106 Grant in fee by roger, son of william, son of isabel, to peter blund, jew of a quitrent of twenty shillings, due from property in the parish of st nicholas and ofa shop in the fishmarket
Date 1202-3
A 21/1374 ; 1375 {wrong} (originals); Liber A, fo 10b (no.101)
#00010106 [Back]
Sciant presentes et futuri quod ego Rogerus filius Willelmi filii Isabele concessi et dimisi et presenti carta mea confirmaui Petro Blundo iudeo de London[] viginti solidatas quieti redditus scilicet illas xx solidatas quieti redditus quas Willelmus Norensis mihi reddidit de terra quam Willelmus filius Turstani de me tenuit pro lx solidis que terra est in parochia sancti Nicolai in corneria piscarie ex opposito fronti ecclesie sancte Marie Magdalene et preterea concessi eidem Petro totam illam soppam quam Gilebertus Francigena piscator de me tenuit in piscaria predicta iuxta soppam quam Gilebertus de Archis de me tenuit uersus orientem scilicet quicquid in illis xx solidatis quieti redditus et in predicta soppa habui in terris in lignis et lapidibus in rebus cunctis habend et tenend eidem Petro et heredibus suis de me et de heredibus meis in feudo et hereditate libere quiete integre finabiliter reddendo inde annuatim mihi et heredibus meis pro omni seruicio et exactione et pro omnibus rebus unam libram piperis infra octabas natiuitatis sancti Iohannis Baptiste sine omni occasione et miskenninga Et predictus Petrus et heredes sui finabiliter acquietabunt predictam terram et soppam predictam pro me et pro heredibus meis uersus capitales dominos feodi scilicet uersus Rogerum de Toui et heredes suos de septem solidis et sex denariis ad tres terminos anni scilicet infra xiii dies festi sancti Michaelis de ii sol et dimidia et infra octabas purificationis sancte Marie de ii sol et dimidia et infra xiii dies Pentecosten de ii sol et dimidia sine omni occasione Et sciendum est quod prenominatus Petrus et heredes sui poterunt predictas xx solidatas quieti redditus et soppam predictam dare vendere et dispendere ecclesie sancti Pauli si eis placuerit uel alii ecclesie vel cuicumque uoluerint christiano uel iudeo saluis predictis seruiciis prenominatis seinuragiis per annum Has autem viginti solidatas quieti redditus et predictam soppam cum pertinenciis suis ego Rogerus predictus et heredes mei finabiliter warantizabimus predicto Petro et heredibus suis uel cuicumque illas dederint vendiderint uel assignauerint contra omnes homines et feminas et hec mea carta eis fiat warantum sicut predicto Petro Pro hac igitur concessione et dimissione et warantizione et presentis carte mee confirmatione dedit mihi predictus Petrus iudeus triginta marcas argenti in gersumam et eundem Petrum inde saisiui coram hiis testibus Willelmo de Hauerilla Thoma filio suo Iohanne Bocuinte Iacobo aldermanno Waltero Bruno Willelmo camerario tunc vicecomitibus Lond[] Rogero de Deserta Arnoldo filio Alulfi Michaele filio Iohannis Ricardo filio suo Abraham filio Aenig[] Abraham filio Bruni Isaac filio Margal[] Hemingo iudeo |