p590
De quadam particula terre in Londoniis dimissa Roberto de Turri
Sciant presentes et futuri quod Adam abbas et conuentus monachorum Sancti Johannis de Coleecestria concesserunt et dimiserunt Roberto de Turri filio Radulfi quandam particulam terre de feodo R. Mantelli [martel? me] in Londoniis. Que particula juncta est feodo predicti Roberti de Turri habendam et tenendam eidem Roberto et heredibus suis pro seruitio duodecim denariorum per annum ad festum Sancti Michaelis. Et est sciendum quod illa particula terre que a monachis predictis dimittitur continet in latitudine sex ulnas tempre Henrici Regis anglie usitatas et uiginti quatuor in longitudine de eidem ulnis. Hoc addito quod pro reragiis licebit eis per se uel pernuntios suos in predicta particula namiare. Nec poterunt dictam particulam in aliam personam transferre: nisi prius dictis monachis de redditu suo securis effectis. Hanc autem particulam terre tenentur dicti monachi eidem Roberto et heredibus suis per predictum seruitium contra omnes homines et feminas warantizare. Sigillum autem ad hoc cyrografo dependens nunquam in manus Judei uel Judeoum permittent transferri. Hiis tesibus Petro Blundo tunc aldermanno. Roberto de Walflete. Johanne Wedercok. Ricardo filio Petri aldermanni. Bruningo lanario. Willelmo. Samuel. Michaele clerico. Johannne de Sancto Dunstano. Et aliis.