[[[liber A
297. Grant in alms by William the cook to the church of St. Paul of the land which he had bought from Richard Chauel, together with the rent which he formerly collected from it [cf. 295].
Date : 1189-1211.
MS. : Liber A, fo. 3ib (No. 295).
Sciant presentes 7 futuri quod ego Willelmus Cocus dedi concessi 7 hac presenti carta mea confirmaui deo 7 ecclesie sancti Pauli 7 capitulo eiusdem loci totam terram illam quam emi a Ricardo Chauel quam idem .R. Chauel tenuit de Thoma Blundo. que scilicet terra iacet in parochia sancte Mildred' de Walebroc inter terram que fuit Thome magni uersus orientem 7 terram capitalis managii predicti Thome Blundi uersus occidentem que continet in longitudine ab aquilone uersus austrum viginti 7 unam ulnam domini regis ulnatas sine pollicibus uno quarterio minus. et in latitudine ab oriente uersus occidentem secus vicum regium nouem ulnas 7 unum quarterium 7 dimidiam et in lafitudine retro uersus austrum nouem ulnas 7 unum quarterium . scilicet quicquid ibidem habui uel habere potui in domibus 7 edificiis in lapidibus 7 lignis integre cum omnibus pertinenciis ad eandem terram de jure pertinentibus . scilicet dimidiam marcam argenti quam solitus fui percipere annuatim de eadem terra in puram 7 perpetuam elemosinam . quietam de me 7 meis heredibus ad sustentamentum capellani inperpetuum celebraturi pro defunctis ad altare sancti Iohannis ewangeliste pro anima mea 7 animabus antecessorum 7 successorum meorum. Hanc autem predictam terram cum predicta dimidia marca ego .W. Cocus 7 heredes mei deo 7 ecclesie sancti Pauli 7 capitulo eiusdem loci . warantizabimus finabiliter contra omnes homines 7 feminas. Et ut hec donatio mea 7 concessio in perpetuum perseueret presentem cartam sigilli mei appositione roboraui. Hiis testibus. Henrico capellano. Willelmo Heremita. Radulfo de Lamburn'. Ada Scoto. Iordano de Sancto Botulpho 7 aliis.